Rao Ramesh As KVP: Impressive Movie Transformation


Rao Ramesh As KVP: Impressive Movie Transformation
KVP Ramachandra Rao and Rao Ramesh

‘యాత్ర’: కేవీపీగా మారిన రావు రమేశ్

మహి వి. రాఘవ్ రూపొందించిన ‘యాత్ర’ సినిమాలో వైఎస్ రాజశేఖరరెడ్డిగా మమ్ముట్టి ప్రదర్శించిన అభినయం తర్వాత చెప్పుకోవాల్సింది రావు రమేశ్ నటనను. ఆయన ఈ సినిమాలో వైఎస్సార్ ‘ఆత్మ’గా పేరుపొందిన ఆయన ప్రాణ స్నేహితుడు కె.వి.పి. రామచంద్రరావు పాత్రను పోషించారు. ఆ పాత్రలో చక్కగా ఇమిడిపోయారు.

మెడికల్ కాలేజీలో చదువుకునే రోజుల్లో వైఎస్సార్‌కు కేవీపీ జూనియర్ అయినప్పటికీ వాళ్ల స్నేహానికి అది అడ్డు కాలేదు. ఆ రోజుల్లో కేవీపీ ‘క్యాప్‌స్టన్’ బ్రాండ్ సిగరెట్లు తాగేవారు. అందుకే తర్వాత కాలంలో కేవీపీని వైఎస్సార్ ‘క్యాప్‌స్టన్’ అంటూ సంబోధిస్తూ వచ్చారు. ‘యాత్ర’ సినిమాలో కేవీపీని వైఎస్సార్ ప్రతిసారీ అలాగే సంబోధిస్తూ కనిపిస్తారు.

అలాగే వైఎస్‌ను ఈ సినిమాలో ‘రాజా’ అని సంబోధిస్తూ కనిపిస్తారు కేవీపీ. సినిమాలోని అనేకానేక సన్నివేశాల్లో వైఎస్‌కు సలహాలు, సూచనలు ఇస్తూ కేవీపీ పాత్ర మనకు దర్శనమిస్తుంది. అఢిష్టానం నుంచి ఆంధ్రా పరిశీలకుడిగా వచ్చిన కాంగ్రెస్ నాయకుడితో ఫోన్‌లో కేవీపీగా మాట్లాడే తీరు, ఆ విషయాన్ని వైఎస్సార్‌కు చెప్పే తీరులో రావు రమేశ్ ఎంత సెటిల్డ్‌గా హావభావాలు ప్రదర్శించారో పరిశీలనగా చూస్తే అర్థమవుతుంది.

స్వతహాగా కేవీపీ అంతర్ముఖుడు. ఎక్స్‌ప్రెసివ్ కాదు. ఆయన మనసులో ఎలాంటి భావాలు చెలరేగుతున్నాయో ఆయన ముఖాన్ని బట్టి అంచనా వేయడం కష్టం. ఆ విషయాన్ని అర్థం చేసుకొని చాలా సన్నివేశాల్లో నిర్వికారంగా కనిపించారు రావు రమేశ్. ఆ పాత్రను ఎంతో ఆకళింపు చేసుకుంటే తప్ప అలా నటించలేరు.

తెరపై వైఎస్సార్, కేవీపీలుగా మమ్ముట్టి, రావు రమేశ్ గొప్పగా రాణించారు. రావు గోపాలరావుగారి అబ్బాయిలోని నటుడు మరోసారి ఉన్నత స్థాయిలో మరో పాత్రలోకి పరకాయ ప్రవేశం చేసిన సదర్భం ఇది.

Rao Ramesh As KVP: Impressive Movie Transformation

Yatra Review: 4 Ups And 3 Downs