‘ఆర్ ఎక్స్ 100’ డైరెక్టర్‌కి కోపమొచ్చింది!


'ఆర్ ఎక్స్ 100' డైరెక్టర్‌కి కోపమొచ్చింది!
Ajay Bhupathi

‘ఆర్ ఎక్స్ 100’ డైరెక్టర్‌కి కోపమొచ్చింది!

‘ఆర్ ఎక్స్ 100’ సినిమాతో ఒక్క‌సారిగా టాలీవుడ్‌లో సంచ‌ల‌నం సృష్టించాడు అజ‌య్ భూప‌తి. వ‌ర్మ స్కూల్ నుంచి వ‌చ్చిన ఈ ద‌ర్శ‌కుడు రెగ్యుల‌ర్ లవ్స్టోరీలకు భిన్నంగా ఓ యథార్థ క‌థ‌ని తెర‌పైకి తీసుకొచ్చిన తీరు ప‌లువురిని ఆక‌ట్టుకుంది.

ఓ భ‌గ్న ప్రేమికుడిని న‌మ్మించి మోసం చేసిన ఓ యువ‌తి క‌థ‌గా కొత్త యాంగిల్‌లో తెర‌కెక్కిన ‘ఆర్ ఎక్స్ 100’ ఫిల్మ్ ద‌ర్శ‌కుడిగా అజ‌య్ భూన‌తికి మంచి గుర్తింపును తెచ్చిపెట్టింది. అదే స్థాయిలో వ‌రుస అఫ‌ర్ల‌ను అందించింది. అయితే అందులో ఏ ఆఫ‌ర్‌ని అజ‌య్ భూప‌తి ఓకే చేయ‌లేదు.

మంచి క‌థ కుదిరితే దానికి త‌గ్గ హీరోని వెతుక్కుంటాన‌ని మొహ‌మాటం లేకుండా చెప్పే ఈ ద‌ర్శ‌కుడు తాజాగా నాగ‌చైత‌న్య హీరోగా ఓ ప‌వ‌ర్‌ఫుల్ పోలీస్‌స్టోరీని తెర‌కెక్కంచ‌బోతున్నాడ‌ని, దానికి ‘మ‌హాస‌ముద్రం’ అనే టైటిల్‌ని కూడా ఫిక్స్ చేశాడ‌నే వార్త‌లు చాలా రోజులుగా షికారు చేస్తున్నాయి.

అయితే ఈ వార్త‌ల‌పై అజ‌య్ భూప‌తి అస‌హ‌నం వ్య‌క్తం చేశాడు. “నా రెండ‌వ సినిమా ఎప్పుడు, ఎవ‌రితో తీయాలో నాకు తెలుసు. ప్లీజ్ స్టాప్ ద రూమ‌ర్స్” అంటూ మీడియాపై అస‌హ‌నాన్నివ్య‌క్తం చేయ‌డం ఆస‌క్తిక‌రంగా మారింది.

‘ఆర్ ఎక్స్ 100’ డైరెక్టర్‌కి కోపమొచ్చింది! | actioncutok.com

Trending now: